NEW YORK, AP.- E kadavernan di dos hòmber a wòrdu deskubrí den dianan konsekutivo den lagonan den Central park di Manhattan, pero outoridat no ta pensa ku nan a muri pa aktividat di deliktivo, segun indikashon di polis djárason.
E promé kadaver, di un hòmber entre binti i trinta aña, a wòrdu deskubrí djamars, serka di e intersekshon di kayanan di Central Park West i 90 e tabata den awa sigur pa un lunanan, segun indikashon di hefe di detektivenan Robert Boyce.
Djárason mainta, e kadaver di un hòmber riba 30 aña, ku karson i sapatu pero sin kamisa, ku identifikashon, a wòrdu haña dos kilometer na sùit di e reserva den Swan Lake, un lugá frekuentá pa turistanan serka di Hotèl Plaza.
E tabata einan entre un pa dos siman, segun Boyce. E investigadornan ta trahando pa konfirmá e identidat,
Dòkter forensiko a purba determiná e kousa di e mortonan. Ningun di e kurpanan tabatin indikashon visibel di troumatismo.
