WILLEMSTAD – Tráfiko internashonal ku a sali for di aki den Q1 di 2021 tabata liderá pa Oropa i Merka ku 57% for di Oropa i 12% for di Merka. Lamentablemente, tráfiko di pasahero a baha den yanüari ku -42% kompará ku desèmber 2020. Tráfiko den febrüari a subi ku +2% kompará ku yanüari, i den mart e tráfiko a baha ku -28% kompará ku febrüari. Debí na eskalashon di medidanan i rekisitonan, aerolíneanan di tantu Oropa komo Merka a hasi ahuste den nan skema di buelo i kapasidat di nan avionnan konforme e fluktuashon den e demanda. Curaçao Airport Partners (CAP) su pronóstiko pa e promé kuartal di 2021 tabata koutelosamente optimista. Datos tabata mustra un oumento gradual den e tráfiko di pasahero komersial debí na e diferente restrikshonnan a kousa di e pandemia i e mutashonnan di e vírùs ku a keda detektá den nos merkadonan prinsipal. Pa fin di e promé kuartal, nos a haña nos bèk den un situashon manera aña pasá i den un posishon muchu mas difísil ku un aña pasá. E realidat ku e promé kuartal lo tabata yen di reto ta kai chikí kompará ku e posishon prekario ku nos ta haña nos aden aworakí. E variante britániko di e vírùs a drenta i tabata devastador pa nos isla.

No opstante e retonan sin presedente di 2020, CAP tabata kontentu na momento ku a risibí e informashon ku pa di tres aña konsekutivo Kòrsou a resultá den e tòp dies (10) di destinashonnan basá riba e moveshon di pasahero riba e ruta di Amsterdam- Kòrsou. Dubai i Atlanta a okupá e puestonan number unu (1) i dos (2) respektivamente.

LAGA UN KOMENTARIO

Please enter your comment!
Please enter your name here