CARACAS.- Kampaña pa elekshon presidensial di dia 28 di yüli a habri ofisialmente meimei di inseguridat i reklamo di persekushon di kontrinkantenan polítiko di parti di Nicolás Maduro. “Nos ta ganando i ganando ampliamente”, asina Maduro a deklará durante un enkuentro públiko den e kapital di Caracas. Pa loke ta oposishon ku ta akusando su gobièrnu di ta oprimí tur hende ku ta kontra dje den kampaña, el a bisa: “Mihó nan ta prepará pa e gòlpi ku nan ta bai haña”.
Hopi di su simpatisantenan a bisti na koló kòrá i marka símbolonan dje ideologia di ‘chavismo’, kual ta representá e eks presidente Venezolano, Hugo Chavez.
E kandidato di oposishon Edmundo Gonzalez Urrutia entretantu a pasa huntu ku su mes ola di simpatisantenan na Caracas, kompañá pa e popular lider di oposishon Maria Corina Machado. “Awe nos ta kuminsá ku e renasementu di speransa den e pais aki i un kambio pa Venezuela. E mensahe di speransa a inspirá hopi hende na Venezuela ya ku nan ta sinti nan mes batí dor di e régimen di Maduro.
