WILLEMSTD.- Coca-Cola Curaçao ta bolbe hasi su ganadónan kontentu awe ku premionan fabuloso den su kampaña “Skor ku Coca-Cola” Kopa Mundial di FIFA 2026™. E biaha aki no a otorgá unu sino dos premio.
Sra. Anjela Passial a habri su siman ku bon notisia ku e ta e felis ganadó di un “Hisense Smart Television di 55”. Meskos ta konta pa Sra. Rita Maria Teixeira Da Camara ku a gana un Money Giftcard na balor di Xcg. 1.000.
Ainda tin chèns pa gana dos televishon mas i dos Giftcard di Xcg. 1.000. Lo saka e ganadónan riba 30 di yüni i dia 15 di yüli próksimo. Tantu e partisipantenan na Kòrsou komo esnan na Boneiru ta bini na remarke pa e rifa di premionan aki.
Ademas di e premionan prinsipal menshoná, tur partisipante di e kampaña tin chèns di gana míles di premio instantáneo ku ta varia di merkansianan ofisial di FIFA x Coca-Cola te na refresko i premionan grátis di nos partner McDonald’s.
Partisipashon na e kampaña ta fásil: djis kumpra un produkto di Coca-Cola produsí lokalmente, registrá un biaha via WhatsApp na +5999 560 3311 i despues manda e kódigo bou di e tapa, na unda tin chèns di gana premio mesora i partisipá na vários di e rifanan.
Ku e kampaña aki, Coca-Cola no solamente ta selebrá su laso di hopi tempu ku e wega di futbòl, pero tambe un momentu históriko: Kòrsou su partisipashon na Kopa Mundial 2026™.
Pa mas informashon por akudí riba e kanalnan di media sosial di Coca-Cola Curaçao & Bonaire i via www.cocacola.cw.
Riba e potrètnan: Asistente di merkadeo, Jaël Merced di Curaçao Beverage Bottling Company BV. ta entregá e premionan na e felis ganadornan Sra. Anjela Passial, ganadó di e 55”Smart TV Hisense i Sra. Rita Maria Teixeira Da Camara ganadó di e Giftcard na balor di Xcg.1.000,-
