Philip Morris International a lansa resientemente un kampaña “Unsmoke your world”. Na  e okashon aki e mènedjer di merkado pa islanan ABC pa PMI Laureano Rodrigo a konta kiko e kampaña aki ta konsistí di dje i dikon ta importante pa nos ta biba den un mundu sin huma. ‘Unsmoke’ su propósito ta pa krea un debate riguroso na Kòrsou relashoná ku e alternativanan di rísiko abou pa humadónan. E ta duna informashonnan sientífiko supstansiá pa asina e humadó adulto ku ke stòp di huma por tin mihó alternativa pa redusí e rísiko di supstansianan dañino.

E soño ta pa Kòrsou, kaminda sigaria ta eksistí pa mas di 200 aña kaba, bira un piesa di museo i pa remplas’é ku e produktonan liber di huma pa benefisio di e adulto ku ke sigui huma.

E kampaña

‘Unsmoke your world” ta un inisiativa global di Philip Morris International ku ke krea kombersashonnan pa tin un futuro liber di  huma. Nos ta kere sinseramente ku basá riba evidensianan sientífiko, ku huma ta e kousa number un di malesanan ku ta relashoná ku humamentu. I p’esei segun Laureano Rodrigo nan ke promové pa stòp di huma i sigur no pa kuminsá huma nunka mas ku ta e mihó eskoho. Pero apesar di esaki, outoridatnan di salú públiko mundial ‘World Health Organization’ ta kalkulá ku tin alrededor di 1 bion humadó rònt mundu i ku pa 2025 lo tin mas di 1 bion humadó mundialmente. E humadónan adulto ku no ke stòp di huma mester haña e informashon apropiá riba alternativanan liber di huma, pa nan por tuma e desishon di kambia pa mihó opshon si nan ke sigui huma. Esaki segun Laureano Rodrigo ta e meta di e kampaña; duna informashonnan basa sientífikamente pa asina humadónan adulto ku no ke stòp di huma por tin mihó alternativa pa redusí e rísiko di eksponé nan mes na supstansianan dañino.

E diferensia

Mas aleu Laureano Rodrigo a splika e diferensia entre sigaria tradishonal i produktonan liber di huma. E diferensia mas importante ta e ousensia di kombustion den produktonan liber di huma, loke ta nifiká tambe ménos riesgo di e eksposishon na supstansianan nosivo. E resultadonan di e investigashon sientífiko ta konfirmá ku e huma ku tabako di un sigaria ku ta kima ta generá, den e kaso aki na mas di 400 grado Celsius, ta e kousa prinsipal di e desaroyo di enfermedatnan relashoná ku tabakísmo. Estudionan sientífiko tambe ta konfirmá ku e produktonan ku ta kalentá e tabaku en bes di kim’e ta redusí signifikantemente e produkshon di sustansia kímiko dañino i potensialmente dañino. De echo, e alternativanan liber di huma meskos ku muestra ta redusí te na un 95% e sustansianan tóksiko ku ta den huma. Entre e alternativanan prinsipal liber di huma tin produktonan di tabako kalentá, ku ta esnan ku ta kalentá e tabako, sin kim’e, na temperatura ménos ku 350 grado Celsius.

Pa ken

Pa ken e produktonan liber di huma ta traha? Laureano Rodrigo ta indiká ku nan ta para firmemente komprometé na promové pa stòp ku humamentu i nunka mas huma bèk. Esei ta nan promé opshon. Nan mishon ta pa krea un futuro den kual personanan ta stòp di huma i nunka mas bolbe huma; e personanan ku no ta usa tabako òf produktonan ku nikotina nunka kuminsá na usa esaki. Por lo tanto, nos alternativa segun Laureano Rodrigo ta alternativanan liber di huma ta estriktamente dirigí na humadónan adulto ku lo kontrario ke sigui huma. Tambe e mester tin akseso na informashon sientífiko fundamental i na tur e rekursonan ku mester pa tuma un desishon informá.

 

Unda haña informashon

Unda e personanan por haña e informashon pa ku e kampaña? Laureano Rodrigo a bisa ku pa haña informashon i kontenido relevante pa loke ta e inisiativa di “Unsmoke your world” personanan por inisiá un sekshon riba www.unsmokeyourworld.com/cw/. Einan e hendenan por haña  informashon riba e alternativanan liber di huma i kual ta e regulashon aktual. Tambe por haña charlanan i diskushonnan pa fomentá un debate ekilibrá i e akseso na informashon riguroso pa humadónan adulto.

 

PMI a invertí pas di 10 aña den siensia i teknologia, pa desaroyá alternativanan ku ta representá rísiko abou pa humadónan adulto ku ke sigui huma i awor tin mihó alternativa pa kambia. Philip Morris ta den transishon konstante. E negoshi prinsipal ta kambiando pa stòp komo kompania di tabako i pa bira un kompania sientífiko, inovativo i teknológiko.

Por sigui e entrevista kompleto riba nos plataforma digital tantu Facebook komo nos wèpsait  www.extra.com.

 

IQOS ta e mihó alternativa…

IQOS ku ta di Philip Morris ta e produkto liber di huma mas avansá te ainda. IQOS ta un produkto ku ta kalentá e tabako ku ta usa un teknologia sofistiká pa kalentá e e tabako komersialmente konosí komo HEETS. Ku IQOS no tin shinishi i tambe e ta redusí e holó di huma, ofresiendo di e forma ei un mihó sabor i satisfakshon den e kategoria. IQOS ta produsí un airosol ku ta kontené 95% di nivel mas abou di kímikonan ku ta kousa daño ku e huma di sigaria ta bini kuné. Basá riba evidensianan sientífiko, kambiando kompletamente pa IQOD ta ofresé ménos rísiko pa salu en bes di sigui huma; ta importante segun Laureano pa kòrda si ku IQOS no ta kompletamente liber di rísiko i ta intenshoná pa humadónan adulto so.

IQOS ta eliminá e djentenan hel…

E benefishinan di uso di IQOS ta eliminá djente hel. Djentenan di un humadó hopi bia pa eksponé na kímikonan den huma di sigaria. Esaki ta sòru pa kambia koló di djentenan. I p’esei den kaso di IQOS ta pone énfasis entre otro ku e ta eliminá e kombustion di tabako. Dor di eliminá huma, IQOS tambe ta redusí signifikantemente e deskolorashon di djente kompará ku e uso di sigaria ku ta huma. E benefisio prinsipal di IQOS ta ku e ta produsí 95 porshento ménos di kímikonan dañino ku e sigarianan normal ku ta produsí huma. I ku bista riba e parti sosial mester enfatisá ku IQOS ta kousa ménos holó, ta eliminá e shinishi i ta eliminá e humadónan di segunda mano, esta esun ku no ta huma pero si ta haña tur e holó di e huma.

 

Logro sientífiko…

Logro sientífiko resientemente pa ku desaroyo di IQOS ta ku FDA a outorisá e merkadeo di IQOS komo produkto ku rísiko moderá (MRTP). E agensia ta splika ku komo IQOS ta kalentá e tabako i no kim’é, tambe e produkto ta redusí signifikantemente e kímikonan ku ta kousa daño kompará ku sigarianan ku ta huma. Pa medio di e MRTP aki FDA a terminá ku su revishon sientífiko di e evidensia sientífiko di PMI, i un  estudio independiente i a disidí di saka un òrdu di modifikashon pa IQOS ta apropiá pa promové salu públiko i ta spera ku e benefishinan pa salú di e populashon ta unu total.

 

 

LAGA UN KOMENTARIO

Please enter your comment!
Please enter your name here