MERKA, AP.- “Gran pèrdèdó” i “porko gordo” ta entre e frasenan di Donald Trump ku usuarionan di Facebook por pone riba su profile usando un app nobo di e kampaña di Hillary Clinton.
E app yama “Trump Yoursellf”. Esaki ta permití usuarionan pa pone pòtrèt ku filternan ku ta kontené un insulto usá pa e nominado presidensial republikano.
E potrètnan ta similar na esnan kreá riba Facebook pa respaldá diferente kousa.
Pa usa e app, un persona mester pone su e-mail i otro informashon di kontakto di e kampaña di Clinton atraves di Facebook, ku ta registrá nan na e portal di e kampaña.
E kampaña di Clinton a bisa ku 400.000 usuario a registrá pa e app desde su lansamentu djaweps.
