Kandela a destruí 200 bibienda di palu i karton na Peru
Kandela a destruí 200 bibienda di palu i karton na Peru Asina'ki e bario Callao na Peru a keda Despues di un kandela ku a kuminsá djaweps mardugá. E kandela a destruí 200 bibienda di palu i karton na e área konosí komo Juan Bosco situá na e zona di haf i e aeropuerto internashonal Jorge Chávez. E kandela a plama debí na bientu fuerte i e falta di awa na e lugá. Despues di kuater ora, finalmente brantwernan a logra dominá e kandela. E kandela a tuma lugá nèt na momento ku e kapital di Peru a kuminsá biba e ambiente festivo di 'Juegos Panamericanos', ku lo keda inougurá djabièrnè den e stadion nashonal di Lima.