MOSKU (AP).- Timnan di reskate a bin topa ku kurpanan di 9 trahadó den konstrukshon ku a keda pegá den un mina di fertilisante ku tabata kimando den serunan na Rusia. E kurpanan tabata karbonisá. T’asina ku kandela a surgi djadumingu den un mina ku ta ser operá dor di un kompania di fertilisante Uralkali. E kompania a duna di konosé ku tabatin dos tim di trahadó hasiendo trabounan di mantenshon den e mina i ku e operashonnan a ser suspendé miéntras nan tabata traha.
Ofisialnan a bisa ku un 17 trahadó den konstrukshon tabata den e mina na Solikamsk, ku ta lokalisá na 1.200 kilometer ost di Mòsku ora ku e kandela a surgi, i ocho di nan a ser evakuá basta rápido. Pero e kandela a kòrta kaminda di nuebe otro ku a keda aden i ku tabata den diferente otro sekshon. Segun notisia Ruso, tur e nuebe kurpanan a ser lokalisá i rekuperá. Despues ku nan a rekuperá e kurpanan karbonisá, ainda bomberonan tabata luchando kontra e kandela.
E region di Perm a deklará awe djaluna komo un dia di luto pa e trahadónan.
