…E área den pleno sentro di siudat na Lima, kaminda bomberonan ta bringando kontra di kandelanan grandi…
LIMA, Perú (AFP).- Ekiponan di bombero for di djaluna ta enfrentá un kandela grandi den e sektor históriko di Lima, ku ta afektá vários edifisio komersial i por prolongá su mes te ku fin di siman. Te ku ayera, outoridatnan no a reportá di morto ni herido.
E kandela, ku ya a kompletá 48 ora, a originá djaluna atardi den un depósito di ko’i hunga i alimento ku tabata funshoná sin lisensia den un edifisio di Barrios Altos
“Nos ta den e sentro históriko di Lima, ku hopi pakus. “Nos ta den un bòm di tempu ku tur e kasnan ku ta kore riesgo”, segun un habitante ku mester a bandoná su kas.
Mirando e magnitut dje vlamnan, vários habitante a hasi purá pa sali na tempu ku algun kos di kas, manera frishidèl, stul i kolchon.
Na televishon por a mira kon por lo ménos kuater edifisio a basha’bou.
Segun a keda tresé dilanti, ademas ku e edifisionan no tin trapinan di emergensia, no tin akseso ku fasilidat miéntras ku tampoko tin un sistema kontra di kandela, segun e hefe di bombero.
Kasi sinkuenta unidat, ku un total di 300 efektivo, te ku ayera nochi tabata atendé ku e emergensia ku a surgi.
