Un avion Dash Q400 MRE Fireguard ta luchando pa paga kandela na Fransia
BARCELONA, SPAÑA, AFP.- Kantidat di pagadó di kandela ta luchando ayera djadumingu pa paga e kandela di mondinan na Fransia, Spaña i Portugal, esaki mei mei di un oumento di temperatura ku ainda e kontinente no a rekuperá di e ola di kalor.
E último kandela di mondi ya a kaba ku 17mil hèktar den e tres paisnan. I ta papia ku por yega 40 grado C atrobe. E kalor intenso ku a asfiksiá Oropa na fin di yüni a provoká míles di morto adishonal den algun pais manera Fransia.
Pa ku e yegada di e fenómeno meteorológiko ekstremo, e minister di interes franses Laurent Nunez a kòrda riba e kandelanan di mondi ku a kuminsá un luna promé ku ta kustumber. Na Spaña un kandela di mondi den bisindario di un zona turístiko Costa Brava a kaba ku 2200 hèktar.
Den un komunikado di bomberonan, nan a bisa ku nan a stabilisá e kandela na Bisbal del Ampurdan pero nan ta preokupá pa e dia kompliká debí na e temperaturanan haltu i pa e islanan di vegetashon ku no a kima den e zonanan afektá, loke por provoká fokonan nobo. Den kareda di 97% di e superfisie afektá ta den e espasio natural protehá di Gavarras.
