MADRID, AP.- Bomberonan spañó apoyá pa binti aeronave a batayá bou di un kalor sofokante kontra un kandela forestal kual a obligá 1.000 persona pa evakuá di e zona.
Outoridat a bisa ku mas di 300 bombero ku 65 vehíkulo a wòrdu instalá pa kombatí e kandela serka di Valensia. 350 kilometer na sùitost di Madrid.
E hefe di agensia di maneho di emergensia i seguridat. Jose Maria Angel, a bisa na prensa ku e avionnan tabata basha awa kada kuater minüt.
E temperaturanan a subi 40 grado Celsius. A pronostiká ku e temperaturanan ta bai keda haltu, pero outoridat a indiká ku e bientu fuerte ta pone e kandela keda kima.
Servisionan di emergensia a indiká ku kasi a kontrolá e kandela djadumingu, pero na momentu ku avionnan a retirá despues ku solo a baha e kandela a bolbe lanta i a ordená un evakuashon.
Outoridat ta sospechá ku e kandela a wòrdu kousá intenshonalmente.
