BOGOTA, COLOMBIA (AFP).- Komo konsekuensia di sekura i temperatura haltu, kandelanan na Colombia a ekstendé di sinku pa shete departamento (barionan grandi), kaminda ya kasi 11.000 hèktar a kima, segun “Unidat de Gestión de Riesgos y Desastres (UKGRD).
Trintiun kandela te ku ayera tardi tabata aktivo den departamentonan di Tolima, Cauca,
Cundinamarca, Huila, Valle del Cauca, Nariño i Amazonas, e últimonan aki na frontera ku Ecuador, Perú i Brasil.
Colombia, ku 32 departamento, ya a logra kontrolá sinku dje kandelanan, ku a kima 10.945 hèktar. Outoridatnan tin ocho avion ta bula pa yuda kombatí e kandela, ku ta bati prinsipalmente e pueblo “tolimense” di Nagatima kaminda ku vários kas a kima.
E kandelanan di mondi tambe a plama den otro paisnan bisiña manera Brasil, Ecuador i Perú.
E region ta enfrentando e sekura di mas serio di último dékadanan, loke segun ekspertonan tin di haber ku e kambio di klima.
