Un bombero ta spùit awa pa paga kandela den mondi
VILLAMANTA, SPAÑA, AFP.- Míles di persona a keda evakuá djabièrnè pa kandelanan na sùitost di Fransia i serka di e kapital di Spaña. Na Spaña dos kandela grandi na wèst di Madrid por uni i bira un kandela grandi, hasiendo e situashon mas grave.
Por lo ménos 63.000 persona mester keda evakuá. Òf nan tabata será den kas den region di Madrid debí na e kandela di mas grave den historia de e área, segun indikashon di e presidente regional, Isabel Diaz.
Bomberonan ta luchando pa paga e kandelanan pero sin éksito.
Awor outoridatnan ta teme ku e kandela den region di Madrid i un otro den e provinsia bisiña Castilla i Leon ta uni.
Outoridatnan a detené un persona i un mas ta bou di investigashon komo posibel outornan di e kandela na Castilla i Leon.
Desde promé di yanüari kasi 130.000 hèktar a kima na Spaña. Esaki kompará ku 393.000 den 2025 kompleto.
Na Fransia tambe e kandelanan di mondi no a baha. E kandelanan ta kima den region di Burdeos, na sùitost di e pais. E kandelanan a obligá residentenan i turistanan pa hui di e península di Cap Ferret riba boto i den outo.
Outoridatnan mester a evakuá 141.000 persona menasá pa e kandelanan di mondi. Akinan 19.000 hèktar a kima, segun indikashon di e minister di Interior, Laurent Nuñez.
