E diferente kandidatonan ku ta den elekshon pa e puesto di alkalde di Paris. Djadumingu awor lo tin e di dos buèlta dje elekshon.
PARIS, Fransia (AFP).- E diputado sosialista Emmanuel Grégire ta enkabesá e promé buèlta di elekshonnan munisipal di Paris segun e eks-minister konservador di Kultra Rachida Dati, refiriendo na e promé kálkulonan despues ku e urnanan a sera.
Grégoire, ku alrededor di 36% di e votonan, i Dati, ku kasi 25%, lo pasa pa e di dos buèlta djadumingu awor pa definí e próksimo alkalde di e kapital franses, segun e promé kálkulonan di tres instituto di sondeo.
E tres proyekshonnan ta indiká ku otro dos kandidato tambe lo klasifiká: Sophia Chikirou (iskierda radikal) i Pierre-Yves Bournazel(sentro derecha).
E partidonan awor tin te ku mañan pa disidí si ta mantené nan kandidatura, si nan ta bai huntu ku otro òf si nan ta retirá.
E lider dje sosialistanan, Olivier Faure, ya a anunsiá ku lo no tin “akuerdo nashonal” ku e partido di iskierda radikal LFI, na kua Chikirou ta pertenesé.
Na mes momento, e diputado di LFI, Manuel Bompard, a yama e sobrá di iskierda pa konstruí un “frente anti fasista” kontra di “derecha òf ekstrema derecha ku ta presentá komo un menasa”.
E kampaña elektoral a keda marká pa tenshon despues di morto den febrüari di un aktivista ultraderechista na mannan di un grupo anti fasista yegá na LFI den Lyon i pa e guera di Medio Oriente.
Segun analistanan,Paris lo por dal un buèlta pa derechi pa promé biaha for di despues ku iskierda a yega na alkaldia den 2001.
