BERLIN, ALEMANIA, AFP.- E kansier aleman Olaf Scholz, kritiká pa su falta di liderazgo despues di e invashon di Ukrania, a defendé su polítika segurando ku e no ta “tur kos” ku pidié e ta hasi.
“Simplemente bisa, nos no ta hasi tur loke ku pidi pa nos hasi”, asina e kansier a bisa den un diskurso na televishon pa konmemorá e final di e Segundo Guera Mundial.
“Mi a hura ku mi lo evitá tur daño na e pueblo aleman. Esaki ta nifiká protehá nos pais i nos aliadonan di peliger”, asina el a añadí.
Olaf Scholz a wòrdu kritiká pa su oponentenan pa motibu ku el a tarda ku outorisashon pa entrega arma na Ukrania. Outoridatnan ukraniano a kritiká e gobièrnu i tambe pa su rechaso di un embargo di gas ruso, di kual e pais ta hopi dependiente, argumentando ku esaki lo a trese konsekuensianan perhudisial pa e ekonomia.
