TEHRAN, AP.- E kansier di Iran a biaha pa China djabièrnè. El a biaha komo parti di un gira den Asia, ku intenshon di mantené Tehran su merkado mundial habrí, meimei di un kampaña intenso di sanshon di parti di Merka na momentu ku tin tenshon haltu den Golfo Pérsiko.
E preokupashonnan pa un posibel konflikto a oumentá desde ku Kas Blanku a duna òrdu pa manda barkunan di guera i bombardeonan pa e region pa kontrarestá un supuesto menasa no spesifiká di Iran. Esaki a pone ku Washington a retirá su personal diplomátiko no esensial di Irak.
E eskala di tenshon ta dor ku presidente merikano Donald Trump a tuma e desishon pa bandoná e akuerdo nuklear entre Iran i vários potensial internashonal i inisiá un kampaña di sanshon kontra e Repúblika Islámiko.
Zarif a yega Beijing djabièrnè, kaminda e lo reuní ku su homólogo. China ta un di e nashonnan ku a firma e pakto nuklear ku Iran na aña 2015.
