KANSIER BOLIVIANO A AFIRMA KU CHILE NO TA KUMPLIENDO KU TRATADO

SANTIAGO, CHILE, AP.- Chile i Bolivia a anunsiá e interkambio di nota di protesta despues di un bishita di e kansier boliviano David Choquehuanca pa e puerto di Arika.
Choquehuanca a yega djadumingu na Chile i djaluna a purba drenta e haf priva di Arika kompañá pa un delegashon di 57 persona, pero outoridatnan no a permití pa drenta mainta i a fiha un rekorido pero ku solamente 25 persona.
Na Bolivia, Evo Morales, a kuestioná tardansa den entrada di Choquehuanca i a akusá ku “esaki ta rasismo di e blokeo” kontra su kansier.
Choquehuanca a informá ku e kònsùl general di Chile na Bolivia,
Milenko Skoknic, a wòrdu aserka pa hasi un anunsio di nota di protesta verbal.