Bista aéreo di un di e helikòpternan ku a kai na Brazil
RIO DE JANEIRO, BRASIL, AFP.- Kantante merikano di pòp alternativo Oliver Tree i e YouTouber argentino Gaspar Prim, tabata den un di e helikòpternan ku a kai djadumingu na Brasil. E aksidente a laga por lo ménos seis morto, segun indikashon di un fuente polisial na AFP.
E nòmbernan Tree i Prim ta riba e lista ku e fuente aki a kompartí. El a señalá ku ainda no por identifiká e víktimanan formalmente, mirando ku nan ta kasi kompletamente kimá pa motibu di e impakto.
Un produktor musikal di Brasil i un direktor di pelíkula argentino tambe tabata den e mesun helikòpter aki.
E helikòpternan a dal djadumingu mainta den bario Recreio dos Bandeirantes, na wèst di Rio de Janeiro. Despues ku nan a dal, nan a kai riba un lugá di parker di un diler di outonan eléktriko. E kandela ku a surgi a daña por lo ménos 20 outo, segun bomberonan.
Un di e helikòpternan tabata transportá sinku persona i e otro solamente e piloto. No tabatin sobrebibiente.
E alkalde di Rio de Janeiro, Eduardo Cavaliere a deklará ku tabatin “siudadanonan estranhero na bordo di un di e helikòpternan” sin duna mas detaye.
