CARACAS (AFP).- Te ku ayera tardi Venezuela a registrá 6.438 morto komo konsekuensia dje dos temblornan di luna di yüni miéntras ku ta sigui buska kadavernan entre sobrá di edifisionan ku a basha den otro, segun e balansa semanal publiká pa hefe di parlamento Jorge Rodriguez.
E temblornan di magnitut di 7.2 i 7.5 a kousa destrukshon enorme na e parti nort di Venezuela dia 24 di yüni, prinsipalmente e estado na kosta La Guaira, kaminda ku 190 edifisio a keda totalmente destruí.
Kadavernan ku ainda no a keda rekuperá ta figurá komo hendenan pèrdí.
Di akuerdo ku e balansa di ayera, kasi 60.000 kas a keda afektá pa e temblornan i tin 24.429 ta kompletamente destruí. Mientrastantu, míles di damnifikado ta biba den kampamentunan temporal, hopi di nan den kondishonnan hopi malu.
Áwaseru fuerte djasabra mardugá a destruí hopi di e áreanan kaminda a sòru pa fasilidatnan pa hendenan por a drumi.
E gobièrnu interino di Delcy Rodriguez a primintí bibienda pa e damnifikadonan.
