Kantidat di morto ta sigui oumentá na Venezuela: 6.500
CARACAS (AFP).- Gobièrnu interino di Venezuela a presentá sifra di 6.509 morto debí na e dos temblornan ku a tuma lugá dos luna pasá, di akuerdo ku un balansa nobo publiká ayera. Dos temblor di magnitut di 7.2 i 7.5 a bati e parti nort di Venezuela dia 24 di yüni, prinsipalmente e siudat na kosta di La Guaira.
E boletin di ayera ta agregá 71 morto na e registro anterior. Ayera algun boluntario i tambe famianan a sigui na La Guaira buskando mas kurpa. Dos luna despues dje temblor hopi ta esnan ku no ta aseptá pa laga nan sernan kerí bou di e loke a sobra di edifisionan.
Segun e balansa di ayera, 25.240 kas ta den hopi mal kondishon i no por keda drechá. Outoridatnan den La Guaira a basha varios edifisio abou una bes ku nan ta den hopi mal kondishon. Outoridatnan ayera a bisa ku te na e momento a entregá 335 kas na esnan afektá, di e kantidat di 4.000 ku a primintí.
