AMSTERDAM.-Na e momentunan aki a registrá e kantidat di mas haltu di pashènt den kuido intensivo den hospitalnan na Ulanda. Informashonnan for di Ulanda ta indiká ku aktualmente tin 220 pashènt di Corona den kondishon hopi malu den kuido intensivo di diferente hospital na Ulanda. Ta trata di sifranan presentá pa Landellijk Coördinatiecentrum Patiënten Spreiding. E kantidat menshoná ta nifiká ku tin 8 pashènt mas tantu kompará ku e kantidat di mas haltu na 17 di yüni último.

E informashon ta indiká ku e kantidat di pashènt riba departamentu di enfermeria a baha ku 17 pashènt. Aktualmente tin 452 pashènt di Covid-19 ku ta hañando kuido den e departamentunan. En total pashèntnan di Corona ta okupando 672 kama den hospitalnan rònt Ulanda, kompará ku djarason último ku e total a para na 681.

A pone 14 pashènt nobo den kuido intensivo ayera, esei ta igual na e dia anterior. E departamentu di enfermeria a tuma 54 pashènt di Covid, loke ta 5 ménos ku e dia promé.

 

LAGA UN KOMENTARIO

Please enter your comment!
Please enter your name here