WASHINGTON, MERKA, AFP.- E rèper Kanye Wèst a anunsiá djasabra ku e lo postulá pa presidente di Merka den elekshon di novèmber, kaminda e mandatario republikano Donald Trump tambe ta postulá pa wòrdu reeligí.
E rèper a tweet ku e lo postulá pero e no a duna mas detaye tokante su kampaña, kuater luna promé ku elekshon di novèmber.
Wèst a sostené Trump durante e añanan di su presidensia i ámbos a topa den ofisina Oval na aña 2018. Pero den 2019, Wèst a bisa ku su sosten pa Trump tabata un forma pa provoká e demókratanan i a anunsiá su propio aspirashonnan.
“E momentu lo yega kaminda mi ta bira presidente di Merka i mi lo rekordá kada fundadó ku no tabatin e kapasidat pa komprondé loke nos ta hasiendo”, asina el a bisa sin aklará ken e tabata referí na dje.
