WILLEMSTAD.- Papa nobo ta un Merikano, Robert Prevost (69), el a skohe e nòmber Leo XIV. Prevost ta un kardinal importante ku a biba i traha gran parti di su bida na Perú. El a skohe pa yama su mes Leo XIV. E ta e promé papa for di Merka.
Bou di e papa anterior, el tabata na kabes di e departamento ku ta nombra obispadonan. E ta papia ingles, spañó i italiano
E 133 kardinalnan na Vatikano a skohe un papa nobo den dos dia. Na 12:06 di awe merdia, huma blanku a sali fo’i chimenea di Kapila Sixtina, e señal ku un papa nobo a wòrdu skohe despues di e fayesimentu di papa Francisco luna pasá.
