MOSCOW, AP.- Outoridatnan ruso ta desalohando pastornan nomada i a pone un region di Siberia na karentena pa un brote di antrax ku ya a mata 1.000 animal.
E aparishon di e enfermedat bakteriano den e region di Yamalo-Nenets ta e promé brote fatal di antrax reportá na Rusia den 75 aña.
E gobièrnu di e lokalidat, ku ta 2.000 kilometer na nortost di Moscow, a informá ku 13 persona, inkluyendo mucha, a keda hospitalisá debí na e enfermedat i ku 63 persona a wòrdu afektá. E pastornan a keda transportá pa e kapital regional di Salekhard.
E gobernador Dmitry Kolybin a informá djamars ku “nos a tuma tur medida pa aisla e área.
Awor loke ta mas importante ta seguridat i salú di nos paisanonan, e pastornan i e spesialistanan involukrá den e karentena”.
