Hotèl Nacional na Havana, Cuba, ta un dje hopi hotèlnan ku a sera por kompleto pa motibu di problema hopi serio di suministro di koriente na e pais
LA HABANA, Cuba (AFP).- Un kargamentu nobo ku yudansa humanitario prosedente di México a yega Cuba, un pais ku ta di senk den un krísis ekonómiko i sosial grave, kuater luna despues ku Washington a imponé un blokeo petrolero.
Esaki ta e di seis karga di yudansa humanitario mandá for di México pa e isla for di febrüari. E barku di karga “Asian Katra” a drenta e haf di La Habana djadumingu mainta, segun periodistanan di AFP. Merka a imponé un blokeo petrolero riba Cuba, situá na 150 km dje estado di Florida, for di kabamentu di yanüari, refiriendo na un “menasa ekstraordinario” ku e isla ta representá pa seguridat nashonal norteamerikano. For di despues di esei a permití solamente entrada di un petrolero ruso, di kua e reservanan ya a kaba
Djaweps último, e representante di Nashonnan Uní na e isla a alertá pa e emergensia humanitario kresiente ku e 9.6 abitantenan ta enfrentá i a deskribí un “cocktail eksplosivo” na inisio di temporada di orkan. For di despues dje lansamentu dos luna pasá di plan di akshon humanitario di Nashonanan Uní, kalkulá na 90 mion dòler -di kua te awor a finansiá solamente un tersera parti- e kondishonnan a deteriorá den tur sektor, segun Francisco Pichón.
