WILLEMSTAD.-Ayera tabata fecha pa Karnaval riba kabai. Hopi hende kantu di kaya sperando un Marcha riba kabai, pero nan ta haña un desfile di motosaikel i kuater grupo di Marcha di Kabai. ‘DEN BEMBE’ ta kere ku mester evaluá di bèrdat ku ta bale la pena sigui ku Marcha riba Kabai. Un kos ta sigur, no por saka e marcha 4 or di atardi, paso ta yega final demasiado lat. Ayera segun informashon ku mi tin e final dje marcha a yega 9.40pm su punto final, no por !.vTantu pe parti di seguridat pa e bestianan komo e falta di iluminashon ku e marcha tin. Tin gruponan ku no a prepará pa sòru pa iluminashon i e organisashon tampoko no tabata prepará pa esaki. Den pasado ta yega lat tambe, pero mester traha riba seguridat pa tur hende ku ta den e Marcha riba Kabai. E kos no ta sigui komplasé paso ta tradishon, por kuminsá pensa for di aworakí pa ki otro alternativa tin òf kua otro aktividat por organisá riba e djadumingu.
