WILLEMSTAD.- Alrededor di 4.30 di mardugá sentral di polis a risibí notifikashon ku den Kaya Thomas Henriquez tin un kas na kandela I probablemente tin un señora di edat den e kas. Mesora sentral a manda unidat di polis huntu ku bomberonan di Rio Canario na e sitio pa duna asistensia.
Na nan yegada enberdat nan a konstatá ku tin un persona den e kas, polisnan a hasi nan máksimo esfuerso pa por a habri e porta di heru di forma ku por a saka e señora for di den e kas. Entre tantu bomberonan tambe tabata hasiendo nan trabou pa por a dominá i paga e kandela aki.
E garashi di e kas a kima kompletu I e Kia soul ku tabata aden tambe a kima. Ambulans a presentá na e sitio pa duna asistensia na e dama ku a hala kantidat di huma. Polis I TFO lo kontinuá ku mas investigashon den e kaso pa saka afó e kousa di e kandela
