WILLEMSTAD. – Sonja Brood, viuda di Marechaussee Toon Brood, a papia awe mainta durante e seshon di korte.
E a bisa: “Loke a pasa e anochi ei ta un gran ‘nachtmerrie’. Nos a bini na e isla aki pa trabou di mi kasá, pa hasi e isla mas sigur i wak e frontera. Pero nan a pasa tur frontera den nos kas. Nan literalmente a pasa riba kurpa morto, pasobra tur di nan tres a mira ku Toon Brood a lucha pa su bida.”
Segun e, nan a sigui wak den kas na kosnan di balor. “Mi yu tabatin 11 aña, e tabata paralisá di miedu riba su kama. Sin embargo, nan a saka e matras pa wak si algu tabata skonde bou di dje.”
E ta bisa ku tur anochi su yu ta sufri di e trouma ei. “E no por drumi i ta sufri di nachtmerrie. Mi mes tambe.”
Sonja Brood ta tende tur ora e zonido di e tiramentu i ta mira mes ku ta lucha pa su bida. Den Hulanda e ta sigui sufri. “Na mi kas na Kòrsou, mi tabata riba mi rudia warda un dos di tira. E promé tira a mata mi kasá, pero e dos no a yega. Pero tambe na Hulanda, kaminda mi mester ta seif i sigur, mi kurpa ta kere ku algu por pasa.”
E a sigui bisa: “E hóbennan aki no tin konsenshi, pero hustisia lo reina. Ku yudansa, mi ta spera ku mi yu i mi lo sali fuerte for di esaki.”
