ROTTERDAM.-Outoridatnan ulandes a konfiská 1760 kilo di kokaina ku tabata bon skondí den un kargamentu di batata dushi for di Costa Rica. Ta trata di un karga ku tabata destiná pa un empresa na Den Haag, pero segun outoridatnan di hustisia e kompania di Den Haag no tin nada di aber ku e lote di kokaina den e kargamentu di batata dushi. E balor di e kokaina riba merkado ta di 132 mion euro asina ofisialnan di hustisia a duna di konosé.

Kontinuamente ta topa ku lote grandi di kokaina òf otro tipo di droga den haf di Rotterdam. No ta muchu dia pasá ku outoridatnan a konfiská alrededor di 3 mil kilo di kokaina den pur’e di bakoba. Mas promé ku esei a topa ku kokaina den outo i den tur klase di fruta.

E merkado ulandes ta unu ku hopi apetit pa e produktonan i komo tal nan ta hasi tur manera pa logra trese droga riba merkado ulandes.

LAGA UN KOMENTARIO

Please enter your comment!
Please enter your name here