DERNA, LIBIA.- Ayera Libia tabata luchando kontra un inundashon masal ku a laga kasi 4.000 hende morto i míles otro pèrdí. Den e siudat aki por a mira un kantidat grandi di kurpa di hende morto lorá den paña blanku den kayanan di Derna, kla pa bai será. Di otro banda, mishonnan di yudansa ta yegando for di Turkia, Egipto i Emiratonan Arabe Uní ku ta entre e promé paisnan ku ta dunando yudansa na e pais aki ku ya ta na wèrki dor di guera.

E siudat mediteráneo di Derna a ser asotá brutalmente dor di awa i inundashon ku mas bien a parse un tsunami despues ku dos dam a kibra komo resultado di kaida di awanan torensial prosedente di e tormenta Daniel ku a bati e region aki. Grabashonnan ku a ser hasí ta mustra un situashon apokalíptiko den e siudat, ku kayanan yen di ruina i hendenan hisando kurpa di víktimanan ku a muri tratando di identifiká nan.

LAGA UN KOMENTARIO

Please enter your comment!
Please enter your name here