MADRID, SPAÑA, AFP.- Kasi mil migrante, entre nan 300 menor di edat, a yega e siudat spañó Ceuta landando òf kanando desde Maroko. Esaki ta un ‘record’ den solamente un dia den e siudat spañó di Afrika, segun indikashon di outoridat.

E migrantenan a sali for di playanan serka di Ceuta den oranan di anochi. E promé migrantenan a yega den oranan trempan di mainta i vários sentenáres mas a keda detené durante dia na momentu ku nan a subi e teritorio spañó, segun indikashon di un bosero di delegashon di gobièrnu di Ceuta na AFP.

E promé sentenar di migrantenan ku a yega tabata den su mayoria hende hòmber, ounke tabatin menornan tambe, segun indikashon di e fuente.

Mayoria a landa usando un chup, i tabatin otro gruponan ku a usa boto pa krusa i yega e siudat. Den e fin di siman ku a pasa, 100 migrante a landa i yega Ceuta desde Maroko den gruponan di 20 òf 30. Mayoria a keda deportá pa Maroko.

 

LAGA UN KOMENTARIO

Please enter your comment!
Please enter your name here