WILLEMSTAD – Informashon ku Extra ta dispone di dje ta indiká ku awe mainta mester tabatin un diskushon entre grupo di prezunan ku finalmente a bin terminá den un kaso di hinkamentu serio. E prezu ku inisial S.C. lo mester a risibí vários hinka ku un opheto skèrpi ku a keda traha den e sentro di detenshon mes. E víktima a keda transportá ku urgensia pa CMC i ta den un situashon di atenshon. E víktima lo ta sintando un kastigu largu pa un kaso di dòbel asesinato na 2011 pa kual el a risibí un kastigu di prizòn di 24 aña. Den edishon di Extra mayan lo tin mas detaye.
Vershon ofisial di SDKK:
Djabièrnè 8 di desèmber, alrededor di 09.40 or di mainta, a tuma lugá un kaso di agreshon na prizòn. For di investigashon preliminar a sali afó ku un grupo di detenido di blòk 5 ataka e detenido di inisial J.S.C. E detenido enkuestion a risibí varios kap na altura di su brasa. A transportá e detenido víktima pa poliklínika di CMC pa mas tratamentu médiko. Departamento di Reshèrshi lo kontinuá ku e investigashon.Blou blou di prizòn ta buskando e arma ku a ser usa.
