LOS ANGELES, USA (AFP).- Un kaso históriko riba wèpsaitnan a kuminsá ayera den un tribunal sivil di California, kaminda un hurado popular lo mester determiná si You Tube òf Instagram a diseñá di forma intenshonal nan wèpsaitnan pa provoká adikshon serka muchanan. E resultado por establesé un presedente hudisial pa loke ta trata responsabilidat sivil di operadornan di wèpsait.
“E kaso akí ta trata di dos dje korporashonnan mas riku di historia ku a diseñá adikshon den selebre di muchanan”, segun Mark Lanier – abogado dje parti demandante – a bisa na e hurado.
“Lo mi bin ku pruebanan ku ta mustra ku e kompania a konstruí mashinnan diseñá pa hasi selebre di muchanan bira adikto, i nan a hasi esei intenshonalmente”, el a agregá.
E kaso na Los Angeles, dilanti e wes Carolyn Kuhl, ta konsentrá riba akusashonnan di un muhé di 20 aña, identifiká ku e inisialnan K.G.M., ku a sufri daño mental grave pasobra el a bira adikto na retnan sosial tempu ku e tabata mucha. Esnan akusá ta e teknológiko gigantenan Alphabet, wèpsait di Google, doño di YouTube, i Meta, propiedat di Instagram.
Esnan yamá pa deklará ta e direktor ehekutivo di Meta, Mark Zuckerburg, dia 18 di febrüari, e responsabel di Instagram (filial di Meta), Adam Mosseri. Tambe ta antisipá ku hustisia lo yama Neil Mohan, direktor di YouTube, pa e tambe testifiká.
