DEN HAAG (AFP).- E miembro di e tripulashon dje krusero MV Hondius ku a tèst positivo pa hantavirus miéntras ku e tabata den karentena na Hulanda a keda trasladá pa un hospital. ”A detektá e vírus serka un persona den karentena na Hulanda. E pashènt ta den un hospital komo medida di prekoushon, e ta aislá”, segun Instituto nashonal di Salú Públiko i Medio Ambiente di Hulanda (RIVM). “Cepa Andes” ta e variante dje hantavirus ku por keda transmití di hende pa hende. E tres personanan evakuá riba e barku, ku ta bou di bandera hulandes, ta keda di tèst kada siman na Hulanda.
E resultado positivo a keda konfirmá pa dos laboratorio independiente. E persona ku a tèst positivo tabata den karentena na kas, segun outoridatnan, ku a hasi un yamada pa keda trankil. E chèns di un propagashon adishonal na Hulanda ta keda konsiderá komo hopi chikitu.
Te na e momento aki tin 12 kaso sospechoso i konfirmá, di kua tres persona a muri, pero tur tabata te ku 2 di mei.
Mas ku 600 kontakto ta sigui bou di vigilansia den 30 diferente pais.
