MERKA.- Katy Perry a logra di surpasá 100 mion siguidó riba Twitter. E kantante di músika Pop ta e promé persona pa logra esaki ayera.
For di 2009 Katy ta aktivo riba retnan sosial, spesífikamente Twitter. Den kasi 8 aña el a manda mas di 8000 ‘tweets’. E fecha ku Perry a risibí mas atenshon riba Twitter tabata na 2015, na momentu ku el a presentá den e show durante di pousa di ‘Super Bowl’.
Justin Bieber ku ta esun ku ta sigui Perry no ta masha leu, e tin 96 mion siguidó. Eks presidente Barack Obama ta na di tres lugá ku 90 mion i Taylor Swift ku 85 mion siguidó.
