WILLEMSTAD – Un biaha mas asina un tiki áwaseru spat kayanan di Kòrsou ta bira esenario di aksidente. Esaki tabata e kaso atrobe riba Kaminda Amado Romer direkshon di Bullenbaai nèt na altura di e krusada pa bai Boka. E shofùr di e trùk Hilux lo a slep riba e kaya muha pèrdè kontrol dal den e pipanan ku ta kore kantu di kaminda i bai bòltu den pida mondi. E shofùr a risibí sla na kabes. Ambulans a yega na e sitio i trata e shofùr einan mes i despues a indiká si e sigui sinta doló pa bai su dòkter di kas.
