Momento ku Musalia Mudavadi (r) i e minister dominikano pa Asuntunan Eksterior Roberto Alvarez a firma un akuerdo bilateral despues di un reunion ayera na Santo Domingo.
SANTO DOMINGO.- E kansiyer di Kenia, Musalia Mudavadi, a pidi Santo Domingo pa yuda pa por haña mas kooperashon internashonal den e mishon di seguridat ku Nairobi ta liderá den HaIti, un pais batí pa violensia di gènnan.
E Mishon Multinashonal di Apoyo pa Seguridat (MSS) di Haiti, dependiente di Nashonnan Uní, ku apoyo di Fransia, Canada, Merka i otro paisnan di Karibe, a keda desplegá den yüni di 2024, pero a topa ku un falta alarmante di rekurso.
“Nos ke bosnan apoyo den kuadro di Nashonnan Uní, di manera ku por duna mas kolaborashon internashonal na e esfuersonan di pas den Haiti”, segun Mudavadi den un deklarashon na prensa despues di a reuní ku e kansiyer dominikano Roberto Alvarez.
“E mishon akí ta eksigí hopi kooperashon den términonan di kompartí inteligensia, informashon krítiko i pa e pais aki por sigui duna apoyo. “Nos petishon ta pa nos sigui apoyá di forma mutuo i kooperá pa e éksito di e mishon”, segun el a agregá.
Alrededor di 1.000 sòldá, di e 2.500 ku a plania pa ta presente den Haiti, ta aktivo den un pais ku ta den un dekadensia hopi serio i ku ta menasá di bira un “káos total”, segun Dashinan Uní a atvertí den aprel último.
Rep. Dominicana, ku ta kompartí ku Haiti e isla La Española, a insistí na vários okashon riba e nesesidat pa e region yuda den e situashon di Haiti.
“No por permití ku e loke a logra te awor ta basha den otro, pues, si esei sosodé e kolapso di Haiti lo ta inminente i su konsekuensianan lo mishi ku henter e region”, segun e presidente dominikano, Luis Abinader, a bisa den sèptèmber último. E mes tambe a apliká polítika migratorio severo relashoná ku Haiti.
Rep. Dominicana ta duna apoyo na Kenia pa asistensia di sòldánan heridá.
Mudavadi i Alvarez a firma un akuerdo pa Santo Domingo sigui duna apoyo na Kenia den evakuashon médiko di sòldánan òf repatriashon di heridonan i esnan ku fayesé.
