Krioyonan den MLB
Kenley Jansen (Los Angeles Dodgers) a salba su di 22 wega di temporada ayera tirando 1 ining permití 1 kareda riba 2 hit i duna 1 base por bola
Jurickson Profar (Oakland A’s) a bai di 2-1ku 2 kareda anotá i 1 kareda empuhá i 2 base por bola risibí. El a konektá su di 10 honron di temporada
Andrelton Simmons (Los Angeles Angels) E shortstop yu di Kòrsou di Los Angeles Angels, Andrelton Simmons, a sufri un retraso den su rehabilitashon. Simmons a hunga dos partido di rehabilitashon ku e sukursal Rookie League avansá di e organisashon di Angels. Parse ku despues di e di dos partido, Simmons tabata kokochando un poko. Esaki a pone ku e klup a disidí di manda e shortstop Anaheim pa asina e por haña mas tratamentu na su ènkel. E retraso ta keda kategorisá komo algu menor despues ku e yu di Kòrsou ta tratando na rekuperá for di un suek di grado tres na su ènkel. E grado tres aki ta e grado mas serio den un leshon asin’aki i ta nifiká ku tin algun ligamentu ku a kibra den su ènkel. Simmons ta tratando na regresá mas promé ku na prinsipio a keda antisipá. E yu di Kòrsou a hunga sinku inning djamars i shete inning djárason pa Orem Owlz i bai di 6-3 ku un base robá den e dos partidonan. Espektativa ta ku lo e no keda muchu largu for di akshon i ku e por regresá Angels djamars awor na kas. Mènedjer Brad Ausmus a bisa ku el a papia ku “Simba” i ku e yu di Kòrsou a indiká na dje ku e ta bon. Pa Ausmus importante ta ku e por hunga múltiple wega tras di otro
Jonathan Schoop (Minnesota Twins) a bai di 3-0 ayera
Didi Gregorius (New York Yankees) a bai di 4-0 ayera
Ozhaino Albies (Atlanta Braves) no tabatin wega ayera
Xander Bogaerts (Boston Red Sox) no tabatin wega ayera
Na Hapon
Coco Balentien (Yakult Swallows) a bai di 4-2 ayera
Lupa riba Liga Menor
Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a bai di 2-0 ayera ku 1 kareda anotá i 1 base por bola risibí. Michel a bai di 4-1 ayera i tabatin un asistensia fo’i outfield sakando un koredor out na base ku su tiru
Juremi Profar, 1b (Frisco RoughRiders, afiliashon Dòbel A di Texas Rangers) a bai di 3-2 ayera ku 1 kareda empuhá i otro anotá. El a konektá su di 17 doblete di temporada
Ademar Rifaela, OF (Bowie Baysox, afiliashon Dòbel A di Baltimore Orioles) no a mira akshon ayera
Hendrik Clementina, C (Daytona Tortugas, afiliashon Klase A Avansa di Cincinnati Reds) no a mira akshon ayera
Sherten Apostel, 3b (Hickory Crawdads, afiliashon Klase A di Texas Rangers) a bai di 4-2 ayera
Calten Daal, 2b (Chattanooga Lookouts, afiliashon Doble A di Cincinnati Reds) no a mira akshon ayera
Shervyen Newton (Columbia Fireflies afiliashon Klase A di New York Mets) a bai di 4-1 ayera ku 2 base por bola risibi
Kirvin Moesquit, OF (Frederick Keys, afiliashon Klase A Avansa di Baltimore Orioles) no a mira akshon ayera
Stephan Vidal, C (Idaho Falls Chukars, afiliashon Rookie di Kansas City Royals) no tabatin wega ayera
Edmond Americaan, OF (Eugene Emerlands, afiliashon Klase A di Chicago Cubs) a bai di 3-1 ayera ku 1 base por bola risibí
Jonathan Willems, 2b (Billings Mustangs, afiliashon Rookie di Cincinnati Reds) a bai di 3-1 ayera ku su di 2 doblete di temporada
Gianfranco Wawoe, 2b (Southern Illinois Miners, Liga Independiente) a bai di 4-2 ku 1 kareda anotá
Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai di 4-1 ku 1 kareda empuhá. Oduber a bai di 4-0. Martis ta den su periodo di sosiegu
Play of the Day
