DEN BOSCH.- E bolante di selekshon di Kòrsou, Kevin Felida, tabata titular ayera pa FC Den Bosch, den nan empate na unu ku Jong Utrecht den wega bálido pa Eerste Divisie (di dos divishon hulandes).
Felida a hunga e partido kompletu i tabatin un aktuashon sólido pa su ekipo. E futbolista di 26 aña tabatin 6 rekuperashon di bala, el a gana 6 di su 8 duelonan i tambe a kompletá 80% di su pasenan.
E temporada akí Kevin Felida den 37 partido pa FC Den Bosch a skor 4 gol i duna 3 pase di gol.
Den e wega aki e atakante di rais YDK Genrich Sillé tabata titular pa FC Den Bosch. El a hunga te ku na di 82 minüt pa su ekipo ayera.
Miéntras e yu di Kòrsou, Emian-Johar Semedo, tabata riba banki pero e si no a logra mira akshon pa FC Den Bosch.
Faltando un wega pa temporada finalisá, FC Den Bosch ta pendiente pa wak ku nan por klasifiká pa e ‘playoff’ di promoshon.
