WILLEMSTAD – Awe mainta gerensia di e prestigioso empresa den Punda, Penha a risibí informashon di kiebro den e pakus. E kiebro aki lo mester a tuma lugá den oranan di mardugá na momentu ku tres tipo full tapa i tambe nan kara a logra kòrtá e porta di heru ku ta protehá e empresa i asina penetrá bai aden. Remarkabel di henter e robo aki ta ku e 3 ladronnan aki a skohe pa bai ku solamente tres marka di kolonia den Penha. Despues di a kometé nan akto kriminal nan a hui direkshon di Skalo i krusa e brùg chikí i bai disparsé. Vários kámara di seguridat den sentro di siudat a kaptá e tres tiponan ki. Polis ta pidi yudansa di komunidat si a kaso tòg por rekonosé e figura nan aki. Por duna tep anónimo na e liña kustumbrá.
