WILLEMSTAD – Awe den oranan mardugá outoridatnan a risibí notifikashon di un kiebro den ofisina di TUI na aeropuerto Hato. Tur esaki apesar ku tin kámara instalá rònt e sitio. E kriminalnan a logra kibra un porta di e ofisina i a hasi basta destrukshon. Den e ofisina lo tin un seif pero no a logra yega na esaki. Ta sospecha ku tempu lo por a hunga un faktor. Tantu polis komo kompania di seguridat a yega na e sitio pero ya e esnan ku a kometé tur e destrukshon aki a disparsé. No ta konosí ainda kiko otro nan lo por a bai kuné pero e kaso ta den investigashon i den oranan di mainta lo analisá tur kámara na e sitio.
