MERKA.- Pa algun tempu kaba tabatin e rumor ku Kim Kardashian i su kasa Kanye West tabata buskando pa amplia nan famia di kuater i awor esaki ta ofisial, tin un beibi na kaminda!.
Ta parse ku Kim finalmente a haña e ‘mama kargadó’ (Surrogate) perfekto i, e dama tin 3 luna na estado kaba. Segun un informashon di US Weekly, nan a haña un mama ku ta residensia na San Diego ku tin riba 20 aña i ku ta kla pa traha poko plaka.
Segun informashon e ‘mama kargadó’ ta pone pa gana 45 mil dòler, esaki den pago di 10 luna na rason di 4 mil 500 dòler.
Kiko ta e kondishonnan? No tin mag di bebe bibida alkohóliko, no huma, no sauna, no tin mag di atendé ku pushi i apsolutamente no tin mag di kome piska kuru, esaki no ta mustra malu.
E pareha ta pagando e agensia ku a yuda nan pa haña e ‘mama kargadó’ e montante di 68 mil 850 dòler. Saint i North West tin ruman na kaminda!.
