WILLEMSTAD.- Siman pasa a surgi un situashon na altura di e plench’i Riffort kaminda un turista a trompeká i kai pa motibu di e klenkunan ku a sak. Por tuma nota ku ta vários klenku den e área akí a kuminsá sak, i no ta pareu mas. Nos a komprondé di e komersiantenan den serkania ku esaki no ta promé bia ku personanan tantu lokal komo turista ta kai pa motibu di e klenkunan akí.
E situashon ta unu di atenshon mirando ku ta trata di sentro di siudat, kaminda ku tur dia vários turista ta frekuentá. Nos ta spera ku e instansianan konserní atendé ku e situashon akí mas pronto ku ta posibel.
