Klesch Group ku interes konkreto den atkerí refineria Isla

WILLEMSTAD.- E kompania ku pronto lo ta na Kòrsou pa hasi un ouditoria interno di Refineria Isla ta e kompania Britániko, Klesch ku tin su base na Ginebra, Suisa. Asina EXTRA por konfirmá serka tres fuente independiente den e sektor petrolero lokal.

Fundadó i presidente di Klesh Group ta e Merikano A. Gary Klesch. E ta enkargá ku maneho stratégiko di e kompania i ta aktivamente envolví den operashonnan diario. Klesch a kuminsá su karera den mundu di servisio finansiero i na 1990 a funda Klesch Group ku ta operá den e sektor di komodidat industrial.

E kompania ta spesialisá den produkshon i negoshi di zeta, produktonan kímiko, metal i negoshi di demas komodidat mundial i otro derivadonan finansiero. Ku 600 persona den servisio Klesch Group ta doño i alabes ta operá refineria Heide na Alemania ku e kompania a atkerí na 2010 for di Koninklijke Shell.

E divishon petrolero di Klesch ta spesialisá den rafiná, merkadeo, negoshi i benta físiko di krudo, “feedstock”, petroli i produktonan kímiko. E refineria na Heide tin un kapasidat di 4.5 mion barí di krudo i a generá un benta total di 2 mil mion euro na 2015

SHARE

LEAVE A REPLY