WILLEMSTAD.- Ayera tabata e último dia pa kita koriente for di Marshe na Punda p’asina por start ku trabounan di rekonstrukshon. Sinembargo ayera ainda tabatin un toko so ku tabata habrí den Marshe. Entre tantu Marshe ta bashí bashí. Ta trata di Toko Vargas di sra. Thelma Vargas. Den deklarashon pa EXTRA, sra. Thelma a konta ku e ta den un situashon ku a priminti’é un kònteiner na Waaigat kaminda e por muda ku su toko, sinembargo no tin niun fasilidat di awa i koriente p’e por funshoná. E tin su frizernan i tambe kos di bebe, i no por bai e kònteiner pasobra esaki no ta kla. Tambe sra. Thelma a alegá ku no a dun’é yabi di e kònteiner ku tabatin alrededor di 2 siman na e sitio. Den deklarashon pa EXTRA, e direktor di Fundashon Marshe a desmentí loke ku sra. Thelma Vargas a trese dilanti. Vargas dilanti di su toko den Marshe, miéntras por mira ku Plaza ta kompletamente bashí.
