Cable & Wireless Communication, operador di Flow i UTS ta konsiente di e problemanan resien ku Aqualectra a eksperensiá i kual a afektá e suministro di koriente via e ret nashonal pa gran parti di Kòrsou riba djaluna 4 di novèmber pa djamars 5 di novèmber 2019.
Mientrastantu e servisio di elektrisidat a ser restablesé pero e blèkout aki a okashoná daño na ekiponan i ‘hardware’ ku konsekuensia ku algun kliente ainda ta eksperensiando interupshon den konekshon di servisio di telefon fiho, internèt i televishon.
Na e momentunan aki nos téknikonan ta trahando di manera inkansabel pa restablesé e konekshon pa tur kliente mas pronto ku ta posibel.
