WASHINGTON, AP.- E temperatura promedio den ougùstùs tabata di 16,52 grado Celsius, 0,05 grado Celsius mas haltu ku den ougùstùs aña pasá, segun informashon di Atministrashon nashonal Oseániko i Atmosfériko.
A trata di e di 16 luna konsekutivo ku a kibra rèkòrtnan di kalor.
Deke Arndt, hefe di monitoreo di NOAA, a bisa ku den verano tabata super kayente. 2016 ta riba kaminda pa destrosá e rèkòrt ku a wòrdu alkansá den 2015 di e aña mas kayente.
Luna di ougùstùs 2016 tabata 0,92 grado Celsius mas kayente ku e promedio di siglo XX. Esaki tabata e di sinku luna mas kayente ku tur otro luna registrá. E informashonnan ta datá desde aña 1880. Seis di 17 luna mas kayente den registronan tabata esnan di verano di 2015 i 2016.
E zomer aki di yüni i ougùstùs tabata 1,21 grado Celsius mas kayente ku e promedio di siglo XX i a superá e rèkòrt antiguo di kalor den un verano, establesé aña pasá na 0,11 grado, segun señalashon di NOAA.