NASHONNAN UNI, AP.- Koffi Annan a bisa djaweps na Konseho di Seguridat di Nashonnan Uní ku, apesar di e tregua frágil na Siria, e gobièrnu di e pais ei no a kumpli ku e demanda di konseho pa retirá trupanan i armanan pisá di siudat i pueblonan.
E embahador merikano Susan Rice, aktual presidente di Konseho, a bi sa ku Annan a indiká den konseho ku “ e forsa i armanan sirio ta permanesé den i alrededor di sentronan di e poblashon”, i el a pidi e miembronan pa demandá presidente Basha Assad pa saka su trupanan di su kartelnan.
Annan tambe a pidi e Konseho di Seguridat pa outorisá e despacho di un ekipo avansá di ONU pa supervisá e tregua aki, den un antisipashon pa un mishon di opservashon mas grandi. E embahador di Suráfrika dilanti ONU, Baso Sangqu, a bisa ku e diskushonnan riba e teksto di un resolushon di ONU lo kuminsá djaweps atardi i kaminda algun diplomátiko lo manifestá ku esaki lo por keda adoptá djabièrnè.
