KOLUMNA KARNAVAL

Un felis djabièrnè pa tur nos lektornan…

Nos a yega e wikènt kaminda tin dos aktividat grandi…

Mañan ta fecha pa Festival di Tumba Hubenil…

12 partisipante kla pa presentá ku Dolce i Excellence Band…

Nos a kombersá ayera nochi ku Rich Pieter i e ta masha kontentu kon tur kos ta kanando…

Pa showtime Festival di Tumba Hubenil tin un line up di artistanan urbano di Korsou pa presenta…

E evento ku tei tuma luga den Curaçao Festival Center segun nos por a kompronde su karchinan ta bayendo masha bon…

Ayera nochi un amigu di ‘Louie Louie’ a yama pa indika ku ela bai ensayo di un banda i nan tabata ‘kuru’, ma bise tuma un break bai otro siman djarason ora ku brass kuminsa ensaya ku e banda i nos ta bolbe kombersa…

Hopi hende ta bou dje impreshon ku ta for dje prome dos dianan di ensayo ku ya bo ta sinti e sabor kompletu di kualke tumba ku ta wordu ensaya…

Sazon ta bin, ora ku e banda ta repasando e tumba pa algun biaha …

Curacao Festival Center ta hañando un ‘face lift’, e man di ferf a ser pone i paden tambe trabounan a tuma luga na e sitio kaminda huradonan ta sinta …

A boltu e trapi i awor hurado ta praktikamente sali for di nan kantor i bira subi trapi mesora…

Pe aña aki manera AMAK a informa nan lo traha ku solamente ‘porta potty’, esaki pa evita tur tipo di dolor di kabes ku toiletnan ku ta keda blokia pa tur tipo di kos ku nan ta benta aden…

Un biaha Feco a kontami ku te hasta wesu di galiña nan a saka for di pipa di afvoer ku a keda blokia…

Brantwer tambe a bai hasi su kontrol preliminar na Festival Center kaminda nan a duna instrukshon di kiko mester wordu drecha…

Feco di su banda ta masha kontentu ku e aporte i yudansa ku nan ta risibiendo di diferente hende pa loke ta drechamentu dje infrastruktura di Festival Center…

Bayendo bek riba e situashon den Parada di Tiner, nos a kompronde ku ora bo skucha tur loke a keda presenta den Fefe Farandulero bo ta yega na e konklushon ku…

E kompetensia entre sigur skolnan ku ta kai bou di RK Schoolbestuur no por rekouda fondo manera un organisashon sosial…

Manera tur kos ta mustra gruponan sosial ta bai bira e gruponan mas grandi…

Direktiva di skolnan mester duna oportunidat na e skolnan pa nan por rekouda fondo…

E muchanan kier partisipa i mester fasilta e manera pa yega na fondo…

No por kulpa niun organisashon sosial ku nan ta kitando muchanan for di skolnan…

Kada ken ku ta na kabes di un grupo ta soru pa tin e ambiente perfekto pa atrae miembro i ta esei e organisashonnan sosial ta hasiendo, nan ta harma un presentashon musikal ku sin bo wak e paña mes bo ke ta eiden paso ambiente ta garantisa…

Ayera nochi lat nos a risibi e buki di informashon di Festival di Tumba Hubenil i nos mester bisa ku ta un bunita produkshon esaki ta…

Kla trempan pa tur hende por lesa i saka basta informashon for di den dje…

Ma gosa ku nan a publika potret aktual di tur e kantantenan ku a yega di gana Festival di Tumba Hubenil…

Hopi great pa mira kon e hobennan a krese i bira adultonan madura…

Pabien na e komishon organisado …

E parti dje historia tambe ta algu masha bon pa a produsi, no ta masha hende ta korda e historia…

P’esnan mas yon esaki ta un buki ku ta duna tur informashon ku bo ta desea…

Festival di Tumba grandi lo tin pa prome biaha un Kolombiano partisipando den e festival…

‘Beto’ Baena ta nomber dje kantante ku lo interpreta un komposishon di Ike Jesurun…

E areglo ta den man di Hector Sampson i lo e keda kompaña pa e banda WESU…

Tin mas sorpresa pa loke ta trata inskripshon segun ma kompronde…

Awe nochi lo tin e ensayo general di Tumba Hubenil, awe nochi tur kantante lo haña chens pa subi tarima den Festival Center i kuminsa kustumbra ku e stage…

E nervio di presentashon ta algu ku bo mester trata na kita ora bo ta bai presenta i si bo logra esei bo por konsentra pa duna un miho presentashon…

Eksito na tur e hobennan…

Bon nos tei move, kore regla algun kos awe…

Preparando pa Inskripshon di Festival di Tumba…

No lubida yena bo formulario pa bo por gana 2 pakete di Red Carpet pa Festival di Tumba…

SHARE

LEAVE A REPLY