CAIRO, AP.- Un kombate entre gobièrnunan na Libia a violá un tregua negoshá na komienso di e luna aki.

E konfrontashon a kuminsá despues ku Nashon Uní a denunsiá ku vários pais a “violá e embargo” di arma na Libia. E infrakshonnan aki a sosodé apesar di algun akuerdo formulá siman pasá durante un konferensia internashonal na Berlin.

Libia ta dividí entre gobièrnunan rival respaldá pa diferente milisia i aliadonan internashonal. E pais tin diferente reserva di ruso enorme i un di esnan mas grandi den Afrika.

E gobièrnu di Tripoli ta wòrdu rekonosé pa Nashon Uní i tin sosten di Turkia, Qatar i Italia. Forsanan rival leal na e komandante Khalifa Hifter tin respaldo di Emirato Arabe Uni, Egipto, Fransia i Rusia.

E forsanan di Hifter a avansá 120 kilometer na ost di Misrata, serka di e siudat Abugrain, segun e ofisina di medionan di milisia aliado ku e gobièrnu di Tripoli. E fuente a indiká ku ainda tin diferente konfrontashon ta tumando lugá alrededor di Abugrain.

LAGA UN KOMENTARIO

Please enter your comment!
Please enter your name here